Атырауда мас әйел көпірден секірмек болды

Оқиға Атырау қаласында 15 мамырда болды. Бұл туралы 102 арнасына сағат 00:50 шамасында хабар түскен.

Атырау қалалық полиция басқармасы хабарлауынша, патрульдік полиция батальонының қызметкерлері тексеру барысында 1979 жылғы азаматшаның жеңіл дәрежеде мас күйде болғаны белгілі болды.

Аталған факті бойынша 44 жастағы әйел адам жедел тергеу тобына тапсырылды.