“Атырау – Дубай” рейсі уақытша тоқтатылды

Бүгін, 20 маусымда «Эйр Астана» әуе компаниясы Атырау мен Дубай арасындағы рейстерді уақытша тоқтататынын мәлімдеді.

«Эйр Астана 28 маусымнан бастап Атырау – Дубай бағыты бойынша ұшу уақытының айтарлықтай ұлғаюына байланысты рейстердің уақытша тоқтатылатыны туралы хабарлайды. Астана мен Алматыдан Дубайға ұшатын рейстер Иран мен Ирак аумағын айналып өтуді жалғастыруда», – делінген әуе тасымалдаушының ресми хабарламасында.

Айта кету керек, тоқтатылған рейстердің жолаушыларына Атыраудан басқа бағыттарға қайта брондау, Алматы немесе Астана арқылы Дубайға тегін билет ауыстыру, сондай-ақ билет құнын толық қайтару мүмкіндігі ұсынылады.

Қ.ҚОСЫМБАЕВ

Сурет: avianews.com