Атыраулықтар мақтанатын 10 нәрсе
Еліміздегі әр облыстың өзіне тән ерекшелігі бар. Ал атыраулықтар несімен мақтана алады?
Атырау десе көпшіліктің көз алдына мұнай мен балық елестейтіні сөзсіз.
Облыстың өзен-көлдерінде балықтардың көптеген түрі бар. Каспий теңізінің атыраулық аймағында бағалы балықтардың 122-ден аса түрі кездеседі.
Өңірде пайдалы қазбалар да жетерлік. Олардың ішінде қоры аса бай әрі негізгісі — мұнай. Бүгінде облыс аумағында мұнайды өндейтін бірнеше кәсіпорын бар.
Ұзындығы 1084 шақырымды құрайтын Жайық өзені Еуропа мен Азияны бөліп жатыр.
Жеті хан жерлеген киелі Сарайшық мекені қазақ даласындағы тарихи орындардың бірі.
Жаяу жүргіншілер көпірі
Бұл көпір несімен ерекшеленетінін білесіз бе? Жаяу жүргіншілер көпірі – Қазақстандағы ең үлкен көпір ретінде әлемдік Гиннестер кітабына енген. Қарапайым тұрғындар мен қонақтар арасында мұнда 10 тілек тілеп, суға 10 теңге лақтырып жіберу ырымы да бар екен. Ал, ғашық жандар көпірге арнайы келіп, темір тұтқаларына өздерінің есімдері қашап жазылған құлып тағып кетеді. Құлыпты көпір тұтқаларына бекіткен соң, кілтті екі ғашық өз сезімдерінің куәгері болып тұрған Жайық жағалауына тастап жібереді.
Атырау облысының Индер ауданынан 40 шақырым жерде Махамбет батырдың кесенесі тұрғызылған. Атырауға келген қонақтар батырдың кесенесіне барып, құран оқиды.
Дала дәрігеріне айналған Тұздыкөл көптеген ауруларға шипа. Мәселен, жергілікті тұрғындар бұл көлдің суы мен қара балшығын буын, демікпе, бронхит сияқты көптеген сырқатқа бірден-бір ем деп есептейді.
Атырау өңірінде бірутар таланттар дүниеге келген. Атап айтсақ, ҚР Мемлекеттік әнұранының авторы, көрнекті ақын Жұмекен Нәжімеденов, ақын, халық жазушысы Фариза Оңғарсынова, екінші дүниежүзілік соғысының қазақтан шыққан жалғыз әйел-ұшқышы, жауынгер, батыр, Қазақстан Республикасының Халық Қаһарманы Хиуаз Доспанова.
Жақында ғана мәдениет және спорт министрлігінің шешімімен Махамбет атындағы Атырау облыстық қазақ драма театрына академиялық атақ берілді. Атырау халқы үшін бұл ауыз толтырып айтуға болатын кезекті мақтанарлық дүние.
Хорлан СМАДИЯР
