Атыраудағы көрмеде жейделер 10 мың теңгеден сатылуда (ФОТО)

Атыраудағы «River Palace hotel» қонақ үйінде отандық дизайнерлердің «Popshopatyrau» киім үлгілері мен қолөнер бұйымдарынан көрме өтуде.

Сәннің соңғы жаңалығын қалт жібермейтін сәнқойлар үшін бұл жақсы жаңалық. Оның үстіне аталмыш көрме Елбасының «Руxани жаңғыру» мақаласына орайласып ұйымдастырылған. Жобаның ұйымдастырушысы Виктор Полозковтың айтуынша, мұндай атаудағы көрме Атырауда алғаш рет өтіп отыр. Бұрынғы көрмелерден айырмашылығы коммерциялық бағытта емес, арадағы делдалсыз, алып сатарларсыз Алматы мен Астананың белгілі дизайнерлері өздері тіккен киімді әкеліп отыр. Нарықтағы киім құнымен салыстырғанда орташа бағаға келеді. Мәселен, жейделер 10,12,18 мың теңге, ал көйлектер 25 мың теңгеден басталады. Қазақстандық онға жуық брендтік киім үлгілері қойылған. Көрме жұмысы 3 қыркүйек күні кешкі сағат 22.00-ге дейін жалғасады.

Нұргүл ЫСМАҒҰЛ.