Алтын жауған күн

Бейсенбі дүниежүзілік студенттік ойындарда бақ сынап жатқан спортшыларымыз үшін сәтті күн болды десек, артық айтқандық емес. Сол күні Юлия Галышева еліміздің көк Туын желбіретіп, Әнұранымызды тағы бір асқақтатты. Могул сайысының ақтық сынында ол 73.80 балл жинады. Сөйтіп, Юля екі алтын иеленді. Күміс жүлде ресейлік құрамаға, атап айтқанда, Анастасия Первушинаға (62.13) берілді. Ал, қола жүлдені Австрия спортшысы Катарина Рамзауэр (52.05) иеленді.

Сондай-ақ, фристайлшы Дмитрий Рейхерд те қарсыластарын шаң қаптырып, бас жүлдеге екі рет ие болды. Жарыс нәтижесінде ол 79,94 ұпай жинаса, қола медаль да отандасымыз Павел Колмаковқа бұйырды.

Айгул Ертілеу