![<strong>Рыбакинаның жеңісі Қазақстан құрамасына командалық әлем чемпионаты финалына шығуға мүмкіндік берді</strong> 1 052e682b 7b0d 4a28 a37d 231f45cd5468](https://atr.kz/wp-content/uploads/2023/04/052e682b-7b0d-4a28-a37d-231f45cd5468.jpeg)
Спорт
Рыбакинаның жеңісі Қазақстан құрамасына командалық әлем чемпионаты финалына шығуға мүмкіндік берді
Астанадағы Билли Джин Кинг кубогының іріктеу кезеңі аясында Қазақстан — Польша матчында еліміздің бірінші, әлемнің 7-ракеткасы Елена Рыбакина қарсыласын ұтты, деп хабарлайды Zakon.kz.
Бүгінгі алғашқы кездесуде қазақстандық теннисші әлемнің 19-ракеткасы Магда Линетпен ойнады.
Кеше Қазақстан құрамасы 2:0 есебімен алға шыққандықтан, командалық әлем чемпионатына жолдама алу үшін бір ғана жеңіс жеткілікті еді.
Елена Рыбакина польшалық теннисшіні 6:4, 6:2 есебімен ұтты.
Осылайша, Қазақстан Польшамен матчта 3:0 есебімен алға шығып, әлем чемпионатының финалдық кезеңіне жолдама алды. Бүгінге жоспарланған қалған екі кездесу ойналса да, ештеңені шешпейді.