АТЫРАУЛЫҚ СПОРТШЫ ЕКІ ДҮРКІН ӘЛЕМ ЧЕМПИОНЫ АТАНДЫ 

Португалияның Албуфейра қаласында өткен кикбоксингтен атыраулық спортшы Нұрсұлтан Жұмабаев Әлем чемпионы атанды, деп хабарлайды atr.kz

72  мемлекеттен 573 спортшы қатысқан чемпионатта Нұрсұлтан Жұмабаев 51 келі салмақта к-1 бөлімінен үздік нәтиже көрсетті.

Естеріңізге сала кетсек, Нұрсұлтан Жұмабаев бұған дейін 2021 жылы Италияда өткен Әлем чемпионатында да чемпион болған.

Сондай-ақ, аталған Әлем чемпионатында жерлесіміз Гүлбану Саматова 70 келі салмақта фулль-контак бөлімінен 3 орынды жеңіп алды.

Спортшыларды жарысқа дайындаған Атырау облысының  кикбоксингтен облыс аға жаттықтырушысы Ержан Базаршаев.