Водников, Көкарна, Ақжайық, Құрсай, Геолог және Мирас… (+ФОТО)

Қала әкімі Мейірім Қалауи Водников, Көкарна, Ақжайық, Құрсай, Геолог және Мирас шағынаудандарының тұрғындарымен кездесті.

Сондай-ақ, жиынға депутаттар, бөлім басшылары мен жауапты мемлекеттік органдар және коммуналдық мекеме өкілдері қатысты. Кездесуде айта-айта ауыз талған, жаза-жаза жауыр болған мәселелер қозғалды. Атап айтсақ, бұлар – жол, жер, қоғамдық көлік, бұралқы ит, жарық, көгалдандыру, ойын алаңы, балабақша мен мәдениет үйінің жоқтығы және тағы басқа.

Тұрғындар тілегін толықтай тыңдап шыққан шаһар басшысы көтерілген проблемалардың бәрі де өзектілігіне қарай заң аясында жүйелі түрде шешілетінін атап өтті. Ол айтылған ұсыныстар да жерде қалмай, қажеттілігіне қарай жүзеге асатындығына да сендірді.

Әділет АМАНГЕЛДІ

(фото: қала әкімдігінің баспасөз қызметі)