Ұялы телефон арқылы балағаттаны үшін атыраулық азаматшаға айыппұл салынды.
– Наурыз айында атыраулық азаматша ұялы телефон арқылы танысын балағаттап, ар-намысына тиетін сөздер айтып, тыныштығын бұзған. Сот отырысында құқықбұзушы өз кінәсін толық мойындап, қазіргі уақытта жәбірленушіден кешірім сұрағанын, өзінің іс-әрекетіне өкінетінін айтқан, – деп хабарлайды Махамбет аудандық сотының баспасөз қызметі.
Сот қаулысымен азаматша ҚР ӘҚБтК-нің 434-бабының 1-бөлігімен кінәлі деп танылып, ӘҚБтК-нің 829-11-бабының 2-бөлігіне сәйкес, салынған әкімшілік айыппұл көлемі 30 пайызға қысқартылып, оған 8 418 теңге көлемінде айыппұл жазасы тағайындалды.
Сот қаулысы заңды күшіне енді.
Хорлан СМАДИЯР
