![Атыраулық бойжеткен «X-factor» шоуында қазыларды таңқалдырды (+ВИДЕО) 1 img 1528](https://atr.kz/wp-content/uploads/2023/11/img_1528.jpeg)
Мәдениет
Атыраулық бойжеткен «X-factor» шоуында қазыларды таңқалдырды (+ВИДЕО)
Атақты шоудың Х маусымына қатысып жатқан 18 жастағы атыраулық Сұлу Көбейсін «Толғау» әнін орындап, қазылар алқасын тәнті етті, деп хабарлайды AtyrauPress тілшісі.
«Небәрі 18 жаста осындай керемет дауыс! Маған қатты ұнады! Ал, бұл өте күрделі ән!» деді Дильназ Ахмадиева.
«Өте лайықты! Сіз мені Атыраудан екенімді мақтан тұтуға себепші болдыңыз! Сұлу, мен сіздің жанкүйеріңізбін! Атырау – алға!» деді тағы бір байқау төрешісі Нұрберген Махамбетов.
Айта кетейік, Сұлу Алматыда музыкалық жоғары білім алып жатыр. Байқауға елімізден бөлек Өзбекстан, Қырғызстан және Ресейден 2,5 мың үміткер бақ сынауда.
Амандық САҒЫНТАЙҰЛЫ