![Индер ауданында жол құрылысы басталды 1 img 9876](https://atr.kz/wp-content/uploads/2024/07/img_9876-780x470.webp)
Индер ауданында жол құрылысы басталды
Шығыс шағынауданына 5 шақырым, Болашақ мөлтекауданына 12 шақырым, Индербор кентшілік 10,4 шақырым автомобиль және жаяу жүргінші жолын салу жұмыстары басталды.
![Индер ауданында жол құрылысы басталды 2 img 9874](https://atr.kz/wp-content/uploads/2024/07/img_9874-768x1024.webp)
Аудан әкімдігінің баспасөз хатшысы Әли Жайшылықтың айтуынша, Индербор кентін толықтай асфальттау жоспарланған. Қазіргі таңда жол түсетін көшелерде жердің беткі қабаты алынып тегістелуде. Әрі қарай кезеңімен инертті материалдар төселіп, асфальт салынады.
– Атап айтсақ, Индербор кентінің 15 көшесіне жол салынады. Мердігер мекеме — «Монолит Дизайн-2030» ЖШС. Құрылысты монтаждау жұмыстарына рұқсат алғаннан кейін 9 айда бітіру жоспарланды. Ал Болашақ шағынауданының 15 көшесіне автомобиль және жаяу жүргінші жолы төселеді. Мердігер мекеме — «Қарасай құрылыс» ЖШС. Жоба бойынша жұмыстар 11 айда толық аяқталуы тиіс. Шығыс шағынауданына келер болсақ, мұнда 12 көшеге жол төселеді. Мердігер мекеме — «Монолит Дизайн-2030» ЖШС. Құрылыс жеті ай жүргізіледі деп күтіліп отыр,- деді Ә.Жайшылық.