Қиғаштың су деңгейі қандай?
Атырау облысы құрылыс, сәулет және қала құрылысы басқармасының тапсырысымен Қиғаш өзенінің су деңгейін тұрақтандыру және аймақтың экологиялық тепе-теңдігін сақтау мақсатында ауқымды гидротехникалық жұмыстар қолға алынды. Бұл бастама өңірдің су ресурстарын тиімді пайдалану, ауыл шаруашылығын қолдау және биологиялық әртүрлілікті сақтау үшін маңызды, — деп хабарлайды Өңірлік коммуникациялар қызметі.
Жобаның негізгі бағыттары:
-Өзен түбін тереңдету және лай-батпақтардан тазарту;
-Гидрологиялық мониторинг жүйесін жаңарту;
-Суармалы егіншілікке қолайлы жағдай жасау;
-Жергілікті флора мен фаунаны қалпына келтіру.
-Қазір бекітілген жобаға сәйкес Котяевка ауылы маңындағы татар және Шучье арналары, Жамбыл ауылы маңындағы жалпы ұзындығы 100 шақырымға жуықтайтын Қиғаш өзенінде 77 км-лік түп тереңдету міндеті атқарылды. Мердігер мекеме — «Павлодар өзен порты» АҚ. Жалпы жұмысқа 24 экскаватор, балшық сорғыш 4 кеме, 2 бульдозер және 85 адам қамтылған. Істің барлығын 2025 жылдың соңына дейін кезең-кезеңімен атқару жоспарланды, — деді «Павлодар өзен порты» АҚ учаске шебері Бауыржан Нұрғалиев.
Айта кетейік, 2017-2021 жыл аралығында облыста Қиғаш өзенінің 126 шақырымы мен Жайық өзенінің 43 шақырымындағы су деңгейін көтеру және гидрологиялық режимді жақсарту бойынша жұмыстардың алғашқы кезеңі жүргізілген болатын.
