Қазақстанда табиғи газ қолжетімді ме?

Қазақстан Еуропа елдері арасында халық үшін табиғи газдың қолжетімділігі бойынша көш бастап тұр.

NRG_monitor ақпараттық ресурсының мәліметінше, қазақстандықтар орташа айлық жалақыға 10 мың текше метрден астам газ сатып ала алады екен. Ал, Молдова, Литва және Португалия тұрғындары газды өте аз тұтынады.
Ең қымбат газ – Швецияда, мұнда тұрғындар әр текше метр үшін 210 рубль, ең арзаны – Қазақстанда, 1 текше метр газ үшін 6,3 рубль төлейді. Шын мәнінде, халық үшін табиғи газдың орташа бағасы одан да арзан, текше метр үшін 22 теңге белгіленген. Ақпараттық талдау жұмыстары үшін Алматы бойынша тауарлық газдың бағасы пайдаланылды, текше метр үшін – 31 теңге. Ал Атырау облысындағы ең қолжетімді тауарлық газ текше метр үшін 6,3 теңге деп бекітілген.

Қуандық ШӘКІРОВ