Ғылымға – қайтарымсыз грант
Х.Досмұхамедов атындағы Атырау мемлекеттік университетінде Білім және ғылым министрлігінің өкілдерімен кездесу өтті.
Жиынға аталған қордың жоба координаторлары Әлібек Хамидуллин мен Шолпан Сапарова қатысты.
Кездесу барысында олар «Ғылыми және ғылыми-техникалық қызмет нәтижелерін коммерцияландыру туралы» Заңның нормалары мен гранттық қаржыландыру ережелерін түсіндірді.
– Жуырда ғылыми және ғылыми-техникалық қызмет нәтижелерін коммерцияландыру жобаларын гранттық қаржыландыру конкурсын өткізу басталды. Конкурс экономиканың басым секторлары шеңберінде ғылыми қызмет нәтижелерін коммерцияландыру жобаларын жүзеге асыруға өтеусіз және қайтарымсыз негізде ұсынылатын грант бөліну үшін жүргізілуде, — деді Әлібек Нұрланұлы.
Сағынбек АРОНОВ,
Х.Досмұхамедов атындағы Атырау мемлекеттік университетінің баспасөз хатшысы.
