![Атырауда оқушыларға арналған тегін IT-сынып ашылды 1 IMG 2518 15 09 18 03 27](https://atr.kz/wp-content/uploads/2018/09/IMG_2518-15-09-18-03-27.jpg)
Атырауда оқушыларға арналған тегін IT-сынып ашылды
«Нұр Отан» партиясының бастамасымен оқушылар орталығында IT-сынып ашылды, деп хабарлайды өңірлік коммуникациялар қызметі.
Облыстық «Нұр Отан» партиясының баспасөз хатшысы Эльмира Тұңғатарованың айтуынша, балаларға арналған тегін ІТ-сыныптарында негізгі оқыту бағдарламасы ретінде британдық «Love to code» бағдарламасының халықаралық білім франшизасы пайдаланылған. Әр сыныпта дәріс беретін мұғалімдер болады. Олар Х.Досмұхамедов атындағы Атырау мемлекеттік университетінің базасында ашылған «ІТ-мамандарын даярлау орталығында» арнайы дайындықтан өткен.
«Нұр Отан» партиясының бастамасымен балалар үшін IT-сыныптың ашылуы елдің бас партиясының ерекше қамқорлығы деп білемін. Бұл заман талабына сай ашылған арнайы сыныпта 8 жастан 16 жасқа дейін балалар оқытылады. Қазір арнайы кесте жасақтадық. 6 топта 12 баладан бар», -дейді оқушылар орталығының директоры Айзада Түсіпқалиева.
Айта кетейік, «Цифрлық Қазақстан» мемлекеттік бағдарламасын жүзеге асыру мақсатында қолға алынған жоба аясында Атырау облысында биыл 10 ІТ-сынып ашылды.