ЕСТЕ ҚАЛАР ЕРЕК КҮН

Жаңалықтар

«Берсең, балаға бер» демекші, жаңа жылдың символы – жасыл шыршаны айнала, қызықты думанның көрігін қыздыруға асыққан бүлдіршіндер Аяз ата мен Ақшақарға өз өнерлерін көрсетті.
Ертегілер еліне таяғын сүйреткен мыстан кемпір де келіп жетті. Өнерлерін көрсетсе ғана мыстанның әлсіреп, кішірейетінін естіген балақайлар жарыса шыршаны айнала қол ұстасып би билеп, әуелетіп ән салды. Көп ұзамай тұс-тұстан андыздаған ертегі әлемінің кейіпкерлері – Таусоғар, Саққұлақ, Өрмекші адам, Желаяқтар көмекке келіп, жаңа жылдық думанның көрігін қыздырды.
Бұл сахналық қойылым балаларға мейірбандық пен татулықты тағылым еткендей. Ал, мерекенің кішкентай қонақтары болса, Аяз атадан сыйлықтар алып, мәз болысты. Колледждің студенттері мың бұрала билеп, әнін әуелете, жырдан шашу шашып, көңілді көтере түсті.

Рита ЖАЙҒАЛИҚЫЗЫ.
Суреттерді түсірген
Ерлан АЛТЫБАЕВ.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған