Жылыойда үй жағдайында газдан уланудың 6 жағдайы тіркелді

«Салдарынан 37 адам дәрігерлік көмекке жүгінген. Олардың арасында 16 бала  бар. Аталған жағдай жылу беру маусымы басталғалы бері тіркеліп отыр» деп хабарлайды Atr. kz

Осыған байланысты, Жылыой аудандық төтенше жағдайлар гарнизоны қызметкерлері әлеуметтік жағдайы төмен отбасылардың үйлеріне көмірқышқыл газын анықтайтын датчиктер орнатты.  

«Аталған санаттағы отбасылардың қатарында  көп балалы, мұқтаж отбасылар, мүмкіндігі шектеулі азаматтар, зейнеткерлер бар.  

Қазіргі таңда датчик 20 үйге орнатылды. Датчик көмірқышқыл газының мөлшері ауа массасында шекті көрсеткіштен асып кеткен жағдайда, арнайы сигнал береді. Яғни, дабыл жүйесі іске қосылады» делінген Атырау облыстық төтенше жағдайлар департаменті таратқан мәліметте.