Жазғы лагерьде әкелер ұлықталды

16 маусым – Әкелер күні қарсаңында Индер ауданында Қ.Абақанов атындағы орта мектеп жанындағы «Гүлдәурен» лагерінде «Әке – асқар тау» атты іс-шара ұйымдастырылды.

Облыстық білім беру басқармасы баспасөз қызметінің хабарлауынша, іс-шара қоғамдағы әкенің беделін арттыру, әке мен бала арасындағы шексіз махаббатты дәріптеу мақсатында өткізілді.

-Бұл жиынға уақыт тауып Тілекші Аманқостың әкесі Әлібек Әбіғалиев қатысты. Ол лагерьдің тыныс-тіршілігімен танысып, қызықты ойындардың куәсі болды, – дейді лагерь жетекшісі Әсемгүл Аруева.

Бес баланың әкесі кездесу барысында отбасындағы әкенің ролі, ата-анаға құрмет, ұлттық салт-дәстүрімізбен ұштасқан бала тәрбиесі жөнінде кеңінен әңгімелеп берді.

Өз тілшіміз