Жаңа мектеп: Жамансордың балалары көрші ауылдарды жағаламайды

Жамансор ауылында мектеп жасында 195 бала бар. Бастауыш сыныптар мен дайындық топтарында 64 бала оқуда. Жоғарғы сынып оқушылары Атырау мен Құлсары қалаларының, Мақат және Мұқыр ауылдарының интернаттарында оқиды. Ата-аналар балаларды аптасына екі рет оқуға апаруға мәжбүр. Жаңа ғимарат пайдалануға берілген соң барлық оқушы өз ауылында оқитын болады. Бұл жағымды жаңалықты Үкіметтің баспасөз қызметі хабарлады.

«Нысанның жобалау-сметалық құжаттамасы дайын. Жаңа мектеп салынғаннан кейін мұғалімдерге қосымша жұмыс орны ашылады. Сондай-ақ біз өз интернатымызда Жамансор елді мекеніне жақын Кенбай ауылының балаларын орналастыруды жоспарлап отырмыз», — деді Қызылқоға аудандық білім бөлімі басшысының міндетін атқарушы Қанат Алпанов.

Қ.ШӘКІРОВ