Жалған ақпарат жарға шығады

Қазақстанның бірқатар өңірінде су тасқыны салдарынан төтенше жағдай режимі сақталуда.

Республика Мәдениет және ақпарат министрі Аида Балаеваның айтуынша, кейбір тұрғындар дүрбелең тудырып, құтқарушылардың жұмысына кедергі келтіретін жалған ақпарат таратып жатыр.

-Ақпаратты көбейту кезінде оның дұрыстығына көз жеткізуге шақырамыз. Жалған ақпарат таратуға жол берілмейтінін ескертеміз, кінәлілер анықталып, жауапқа тартылады, — деп түйіндеді министр.