Жайық суы ағзаға қауіпті ме?

Сәуір айы басталғалы бері Атырау қаласында Жайық өзенінен 30 сынама алынған. Ал мұның нәтижелері қандай? Бұл сұраққа облыстық жедел штаб жауап іздеген болатын.

Облыстық санитарлық-эпидемиологиялық бақылау департаментінің бөлім басшысы Қаламқас Аманжолованың айтуынша, айдың басынан бері Жайық өзенінен вирусологиялық, бактериологиялық, паразитологиялық, санитариялық-химиялық сынамалар алынып басталған.

-Тасқын жағдайына байланысты Жайық өзенінің бірнеше нүктесінен сынамалар алынып отырады. Бұған дейінгі сынамалардан лайлылық, түс пен дәмнен сәйкессіздіктер анықталды. Бірақ ол жағдайлардың адам денсаулығына зияны жоқ, — деді спикер.