Жайық өзенінің жағалауына зерделеу жұмыстары жүргізілді

Атырау облысында көктемгі су тасқынына қатысты жедел штаб пен төтенше жағдайлар департаменті бірлесіп, Жайық өзенінің жағалауын тексеру және бағалау жұмыстарын жүргізді. Бұл туралы облыс әкімінің орынбасары Жасұлан Бисембиев әлеуметтік желідегі парақшасында мәлім етті.

–Жайық өзенінің тасуын алдын алу үшін қолданыстағы және күшейтуді қажет ететін жағалаулар сары түспен белгіленді. Ал едәуір нығайтуды қажет ететін аймақтар қызыл түспен айқындалып отыр, — дейді Жасұлан Орақұлы.