Заңсыз мұнай айналымына жол бермейік!
Бүгінде мұнай-газ саласында заңбұзушылықтар көптеп кездесуде. Республика аумағында мұнай және мұнай өнімдерін (дизель отыны, табиғи газ және басқа) ұрлау, заңсыз тасымалдау және сатумен айналысатын қылмыстық топтар Атырауда да құрықталып жатыр.
Ұрланған мұнайды өзге компанияларға заңсыз сатып, өздеріне ірі көлемде пайда тапқандардың біразы әшкереленген. Қазір де Мемлекеттік кірістер департаментінің Экономикалық тергеу қызметкерлерімен қылмыстың алдын алу, жедел-іздестіру шаралары жүргізіліп жатыр. «Мұнайдың және мұнай өнiмдерiнің шығарылу заңдылығын растайтын құжаттарсыз оларды тасымалдау, иемдену, өткiзу, сақтау, сондай-ақ мұнайды қайта өңдеу» дерегі бойынша Қазақстан Республикасы Қылмыстық кодексінің 197-бабымен қылмыстық жауапкершіліктің көзделгендігін де айта кеткен жөн.
Амандық САҒЫНТАЙҰЛЫ
