Университеттегі келелі кездесу

Х.Досмұхамедов атындағы Атырау университетінде Дүниежүзілік сайлау күніне орай Атырау облыстық мәслихаты депутаты, басқарма төрағасы-ректор Саламат Идрисов пен Атырау облыстық аумақтық сайлау комиссиясының төрағасы Әсия Қыстаубаева кездесу өткізді. Дүниежүзілік сайлау күні – жыл сайын ақпан айының бірінші бейсенбісінде аталып келеді.

Жиынның мақсаты — жас сайлаушылардың құқықтарын айқындау, «Қазақстан Республикасындағы сайлау туралы» Конституциялық заңның 4-бабындағы бәсең сайлау құқығын насихаттау, Қазақстан Республикасының азаматтарының сайлаушы құқығымен қатар сайлану құқығын түсіндіру. «Х.Досмұхамедов атындағы Атырау университетін білім ордасының түлегі ретінде 85 жылдық мерейтойымен шын жүректен құттықтаймын. Облыстағы мемлекеттік қызметкерлерді дайындауда Атырау унисерситетінің үлесі зор. Бүгінгі Дүниежүзілік сайлау күнін осыдан 20 жыл бұрын 16-17 қыркүйекте Будапештте өткен жиында бекітілген. Бұл күн әрі сайлау құқығы бар азаматтардың, әрі сайлау комиссиясында қызмет ететін мамандардың кәсіби мерекесі саналады», — деді Атырау облыстық аумақтық сайлау комиссияның төрағасы Әсия Қыстаубаева.

Сонымен қатар, кездесуде Атырау облыстық мәслихаты депутаты Саламат Идрисов депутаттық қызметтің міндеті мен маңызы туралы баяндама жасады. «2023 жылдың 19 наурызындағы сайлаудың қорытындысы бойынша екі жылдан бері Атырау облыстық мәслихаттың депутаты қызметін атқарып келе жатырмын. Бұл депутаттық мандатты мен қоғамдық жұмыс деп санаймын. Себебі сайлауға Индер ауданы атынан түсуімнің себебі, туған жерімді көркейту болатын. Алға қойған мақсатым біртіндеп орындалып келе жатыр. Оның дәлелі бүгінде Индер ауданындағы бірқатар мәселелер оң шешімін тапты», — дейді депутат.

Университеттің азаматтық құқықтық пәндер кафедрасы атаулы күн қарсаңында өткізген іс-шарада сайлану құқығы, депутаттық қызметтің міндеттері, мүгедіктігі бар азаматтардың сайлауға қатысуы жөнінде ашық пікірталас өрбіді.

Өз тілшіміз