Үлкен сенім мен жауапкершілік

Конституция күніне орай осындай мәртебелі марапатқа ие болу – мен үшін үлкен қуаныш әрі абырой. Бұл марапатты тек өз еңбегімнің емес, бүкіл әріптестерімнің ортақ жетістігі деп қабылдаймын. Өйткені біз бірлесіп, халыққа қызмет етіп, мемлекетіміздің дамуына өз үлесімізді қосып келеміз.

Ата Заң біздің кәсіби қызметіміздің темірқазығы. Әрбір бастамамыз бен қабылданған шешіміміз осы құжатқа сүйенеді. Сондықтан «Қазақстан Республикасының Конституциясына 30 жыл» мерекелік медалін алу мен үшін зор мәртебе ғана емес, үлкен жауапкершілік.
Алдағы уақытта да осы сенімге лайық болып, елдің игілігі үшін аянбай еңбек етуге өз үлесімді қосамын.

Марта НҰРҒАЛИЕВА,
Атырау қаласы әкімі аппаратының бөлім басшысы