![Президент Тоқаев футболдан Қазақстан құрамасын жеңісімен құттықтады 1 2d374c1b 8b01 4114 8fec a31eef79d45d](https://atr.kz/wp-content/uploads/2023/09/2d374c1b-8b01-4114-8fec-a31eef79d45d.jpeg)
Жаңалықтар
Президент Тоқаев футболдан Қазақстан құрамасын жеңісімен құттықтады
Мемлекет басшысы Қасым-Жомарт Тоқаев футболдан Қазақстан ұлттық құрамасын Еуро-2024 чемпионатының іріктеу кезеңінде Солтүстік Ирландия командасымен өткен матчтағы жарқын жеңісімен құттықтады. Бұл туралы Ақорда хабарлайды.
«Жеңіс құтты болсын! Бүгін жақсы ойын болды. Шеберлік көрсеттіңіздер. Жұрт, бәрі риза», — деді Қ.Тоқаев.
Өз кезегінде футболдан Қазақстан ұлттық құрамасының капитаны Асхат Тағыберген көрсеткен қолдауы үшін Президентке алғыс айтып, команда атынан доп сыйлады.
Сондай-ақ Мемлекет басшысы матчтағы жалғыз гол авторы Максим Самородовқа ризашылығын білдірді. «Жақсы гол соқтың. Маған ұнады», — деді Қ.Тоқаев футболшының қолын алып жатып.