Түрменің басшысы мен бас есепшісі тұтқындалды

Atr.kz/13 ақпан, 2020 жыл. Ұлттық қауіпсіздік комитетінің департаменті мен облыстық прокуратураның бірлескен іс-шаралары барысында УГ-157/11 түзету мекемесінің (әйелдер колониясы) бастығы мен бас есепшісі «пара алды» деген күдікпен қамаққа алынды.

ҰҚК баспасөз қызметінің мәлімдеуінше, басшы  мен есепші қол астындағылардан бірнеше рет 2019 жылдың сыйақылары мен ынталандыру төлемдерінің бір бөлігін алған. «Аталған факті бойынша ресми тұлғаларға қатысты Қазақстан Республикасы Қылмыстық кодексінің 366 бабы (Пара алу) бойынша қылмыстық іс қозғалды. Қазір алдын ала тергеу басталды және олар соттың санкциясымен тұтқындалды» делінген ресми мәліметте.

Майра ОРАЗҒАЛИЕВА