ТОПЖАРҒАНДАР

Астана қаласында мүмкіндігі шектеулі спортшылар арасында Ауған соғысының ардагері, халықаралық дәрежедегі спорт шебері Р. Қамысовты еске алуға арналған отырып волейбол ойнаудан халықаралық турнир өтті.

Онда Атырау қаласының құрамасы қарсыластарынан кем болмады. Жерлестеріміз алаң иелерінен басым түсіп, жүлделі І және ІІ орынды иеленіп қайтты. ІІІ орынды қызылордалықтар қанжығасына байлады.

«Турнирге қатысқан алты команданың бәрі де жақсы ойын көрсеткенін айта кеткен жөн. Біз бұл сайысқа ұзақ уақыт бойы дайындалдық, соның нәтижесі болар, сәтті ойын өрнегін көрсеттік. Жүлделі орындардан көрінгеніміз – үлкен мақтаныш» дейді облыстық мүгедектер спорт клубының директоры Бауыржан Тақауов.

Алтыншаш ҚҰРМАШЕВА,
Суретті түсірген Ерлан АЛТЫБАЕВ.
Баға берсеңіз
Атырау газеті
Пікір қалдырыңыз