«Тоналған» атыраулықтың өтірігі шықты

18 ақпан күні  сағат 15:10 шамасында Атырау қаласы Полиция басқармасының 102 арнасына 2001 ж.т., қала тұрғыны қоңырау шалып,  Авангард мөлтек ауданындағы үйлердің бірінің подъезінде белгісіз адамдар ұрып-соғып 500.000 теңге ақшасын тартып алғаны жөнінде хабарлама қалдырған.

Хабарлама анықтау кезінде аталған азаматтың жалған хабарлама бергендігі анықталды.
Ол өзінің жауабында танысына ашуланған себептен 102 операторы арқылы полиция қызметкерлерін шақыртқандығын айтып, өз кінәсін мойындаған.

21 жастағы азаматқа қатысты ҚР-ның ӘҚБтК-нің 438 бабының 1 бөлігімен (Арнаулы қызметтерді көрінеу жалған шықыру) әкімшілік хаттама жасақталып, отыз айлық есептік көрсеткіш көлемінде айыппұл салынды.