Тізе буыны ауыратындарға тегін ота жасатуға мүмкіндік бар

Атырау облыстық ауруханасының ұйымдастыруымен 28 және 29 тамыз аралығында елімізге танымал ортопед-травматологтардың қатысуымен «Тізе буыны ауруларын эндопротездеу» тақырыбында шеберлік класстары өткізіледі.

Бұл шеберлік сыныптарына Маңғыстау, Ақтөбе және Батыс Қазақстан облыстарының жоғары дәрежелі травматолог дәрігерлері қатысады.

Сондай-ақ, шара барысында Ресейден арнайы шақыртылған маман, медицина ғылымдарының кандидаты, Ресей Халықтар достығы университетінің доценті Д. Румашевский тізе буыны ауру мазалап жүрген жандарға кеңестер беріп, осы аурумен ауыратын 10 адамға тегін ота жасау да жоспарланған.

Баян ЖАНҰЗАҚОВА.