Тәуелсіздік күніне орай ХҚКО-ның жұмыс кестесі өзгерді

«Азаматтарға арналған үкімет» Мемлекеттік корпорациясы халыққа қызмет көрсету орталықтары мен мамандандырылған орталықтар Тәуелсіздік күні мерекесіне орай 16 желтоқсан күні жұмыс істемейді.

Аталған мекеменің баспасөз қызметінің хабарлауынша, 14 желтоқсан кезекші орталықтар үшін жұмыс күні болып саналады. Қызметтерді 9.00-ден 13.00-ге дейін алуға болады. 17 желтоқсан, яғни сейсенбі ХҚКО мен МХҚКО азаматтарды әдеттегі жұмыс кестесі бойынша қабылдайды.

–Орталықтар жұмыс күндері сағат 9.00-ден 18.00-ге дейін жұмыс істейді. Кезекші ХҚКО жұмыс күндері 20.00-ге дейін, сенбі күндері 13.00-ге дейін қызмет көрсетеді. Кезекші мамандандырылған ХҚКО дүйсенбі мен жұма аралығында 18.00-ге дейін азаматтарды қабылдайды, ал дайын құжаттарды 20.00-ге дейін алуға болады. Сенбі күні мамандандырылған ХҚКО 13.00-ге дейін жұмыс істейді, — делінген баспасөз хабарламасында.

Айта кету керек, халыққа қызмету көрсетететін кезекші орталықтардың мекенжайларын Instagram-дағы ресми парақшаларынан білуге болады.

Бек АЙДАРӘЛИ