ШҰҒЫЛ: 33 градусқа дейін аяз болады

«Қазгидрометтің» баспасөз қызметі хабарлағандай, Қазақстанда алдағы үш күн ішінде ауа температурасы 23-33 градусқа дейінгі аралықта төмендейді.

• «9-11 ақпан аралығында Қазақстан аумағының басым бөлігі Скандинавия аумағынан келетін суық антициклон ықпалында болады. Ауа температурасы 23-30 градусқа, ал елдің шығысында 28-33 градусқа дейін төмендейді деп болжануда» делінген ресми хабарламада.

Еліміздің батыс өңіріне келсек, Атлантика аумағынан жететін кезекті циклон әсер етеді. Аймақта қар аралас жаңбыр жауып, салдарынан көктайғақ болады. Сондай-ақ, төңіректі қалың тұман қаптайды деген болжам бар.