![Шәкір Кейкін Атырау қаласы әкімінің орынбасары болып тағайындалды 1 IMG 20190226 WA0014](https://atr.kz/wp-content/uploads/2019/02/IMG-20190226-WA0014.jpg)
Шәкір Кейкін Атырау қаласы әкімінің орынбасары болып тағайындалды
Atr.kz/26-ақпан, 2019 жыл. «Атырау қалалық тұрғын үй – коммуналдық шаруашылығы бөлімінің басшысы Шәкір Кейкін қала әкімінің орынбасары болып тағайындалды» деп хабарлайды Атырау қаласы әкімінің баспасөз- қызметі.
Бүгін, 26 ақпан күні кезекті аппараттық жиын барысында қала әкімі Әлимұхаммед Құттымұратұлы осы уақытқа дейін Атырау қалалық тұрғын-үй коммуналдық шаруашылығы, жолаушылар көлігі және автокөлік жолдары бөлімін басқарған Шәкір Кейкінді қала әкімінің орынбасары етіп тағайындады.
![Шәкір Кейкін Атырау қаласы әкімінің орынбасары болып тағайындалды 2 IMG 20190226 WA0015](http://atr.kz/wp-content/uploads/2019/02/IMG-20190226-WA0015-1024x683.jpg)
Фото — Атырау қаласы әкімінің баспасөз- қызметі
Кейкін Шәкір Кейкінұлы 1970 жылы Атырау облысы, Жылыой ауданында дүниеге келген. 1993 жылы Қазақ политехникалық институтын тау-кен инженері мамандығы бойынша аяқтаған.
1993-2008 жылдары Жылыой ауданында әр түрлі салаларды басшылық лауазымдарды атқарған. 2008-2009 жылдары Жылыой ауданы, Қосшағыл селолық округі әкімі,
![Шәкір Кейкін Атырау қаласы әкімінің орынбасары болып тағайындалды 3 IMG 20190226 WA0014](http://atr.kz/wp-content/uploads/2019/02/IMG-20190226-WA0014-1024x683.jpg)
Фото — Атырау қаласы әкімінің баспасөз- қызметі
2009-2018 жылдары Жылыой ауданы, Құлсары қаласы әкімі болып еңбек еткен.
2018 жылдың қазан айының 23 нен бастап күні бүгінгі күнге дейін Атырау қалалық тұрғын-үй коммуналдық шаруашылығы, жолаушылар көлігі және автокөлік жолдары бөлімін басқарған.
2019 жылдың 26 ақпанынан бастап Атырау қаласы әкімінің орынбасары лауазымына тағайындалды.