Вакцинациялау жұмыстарын жүргізу үшін облыс бойынша 23 екпе пункті дайындалып, «салқындық тізбегін» қамтамасыз ету мақсатында 21 мұздатқыш сатып алынған.
Облыстық денсаулық сақтау басқармасы баспасөз қызметінің мәлімдеуінше, 1 ақпаннан бастап бүгінгі күнге дейін өңірде вакцинацияның І компоненті 2 683 адамға, ІІ компоненті 993 адамға салынған. Екпе қабылдағандардың арасында денсаулықтарына қауіп төндіретіндей жанама белгілер әзірге тіркелген жоқ.