Атырау қаласындағы Вокзал маңы мөлтек ауданында орналасқан субұрқағында 10 жасар баланың аяғы субұрқақтың су төгетін тұрбасына қысылып, бала өздігінен шығара алмай қалған.
Осы жағдай бойынша ата-анасы құтқарушылардың көмегіне жүгінген. «Құтқарушылар балаға зақым келтірмей, арнайы құтқару құралдарың көмегімен баланың аяғын темір тұрбалар арасынан шығарды.
Атырау облысы Төтенше жағдайлар департаменті ата-аналарды балаларына субұрқақтардағы су ойындарының жарақат алу қаупі, қауіпсіздік ережелерін сақтау, сондай-ақ оларға шомылуға жол бермеу және тыйым салу туралы түсіндіруге шақырады», – деп хабарлады Атырау облыстық ТЖД баспасөз қызметі.
