Қазақстан әлемдік саяхат рейтингінде үздік елдердің қатарына енді
Әлемдегі жетекші баспа Lonely Planet Қазақстанды жыл сайынғы Best in Travel 2025 рейтингінде саяхаттауға арналған ең үздік елдердің бірі деп жариялады.
Жыл сайын саяхатшылардың, қызметкерлердің, авторлардың және туризм саласындағы мамандардың ұсыныстары негізінде үздік бағыттарды анықтайтын бұл рейтинг Қазақстанның туристік әлеуетін әлемге тағы бір мәрте танытты.
–Қазақстан өзінің бай тарихы, алуан түрлі ландшафттары және бірегей мәдени мұрасымен ерекшеленеді. Елдің туристік бағыт ретінде танылуы Lonely Planet-пен ғана шектелмей, «Conde Nast Traveler» және «Wanderlust» секілді беделді басылымдардың да назарында болды. Бұл басылымдар елімізді 2024 жылғы үздік бағыттардың қатарына қосты. Сондай-ақ, Алматы қаласы The New York Times басылымы бойынша әлемнің 52 үздік туристік бағыты тізіміне енді, — делінген Prokadrykz жариялаған хабарламада.
Айта кету керек, Қазақстанның әлемдік деңгейде мойындалуы елдің туризм саласына жаңа мүмкіндіктер ашады.
Бек АЙДАРӘЛИ
Сурет: borovoe.kz
