
Педагогтің кәсіби дамуы: ізденіс пен тәжірибе
Педагогтердің кәсіби дамуына тың серпін беретін, сәйкесінше өңірдегі орта білімнің сапасын арттыруға септігін тигізетін ауқымды әрі нәтижелі жобалар жүзеге асырылуда. Соның бірі «Оpen day BINOM: Атырау қаласындағы BINOM SCHOOL мектеп-лицейлеріндегі ашық сабақтар» іс-шарасы ұйымдастырылды. Оған өңірдің 400-ге жуық педагогі қатысты.

Жоспар аясында бұған дейін өткізілген workshop, конференцияларға қатысқан 64 атыраулық педагог аталған іс-шарада атыраулық және астаналық BINOM SCHOOL мектеп-лицейлерінің мұғалімдермен бірлескен сабақтар өткізді. Сондай-ақ оқытудың тиімді әдістері қолданылған озық педагогикалық іс-тәжірибелерді таратты.

Ұйымдастырушылардың айтуынша, аталған іс-шаралардың жалғасы ретінде наурыздың 27-28 күндері өңірдің 600-ден астам мұғалімін қамтитын ІІ дәстүрлі “Atyrau Teachers Summit” педагогикалық идеялар фестивалін өткізу жоспарланып отыр. Саммит мектеп пен ата-аналардың бала тәрбиесіндегі ынтымақтастығының практикалық және теориялық алғышарттарын, білім алушылардың функционалдық сауаттылығын дамыту мәселелерін талқылауға бағытталған.
Еркеназ ҚАЛИЖАН
Суреттерді түсірген Әнуар ӘБІЛҒАЗИЕВ