Педагогтердің облыстық тамыз конференциясы басталды

Махамбет атындағы академиялық қазақ драма театрында «Білім келешегі: адал азамат, кәсіби маман» тақырыбымен педагогтердің облыстық тамыз конференциясы басталды. Шараның басты мақсаты – цифрландыру дәуірінде білім беру сапасын арттыруға бағытталған тиімді тәсілдерді анықтау.

Конференцияға педагогтер, білім басқармасы басшылары, әдіскерлер және сала ардагерлері қатысуда. Бастамалар қатарында жаңа оқу жылының басым бағыттары, заманауи мектеп пен жасанды интеллектіні енгізу жолдары, педагогтердің кәсіби дамуы мен жұмысшы мамандықтар бойынша өңірлік тәжірибелер таныстырылуда.

Шара барысында сондай-ақ үздік педагогтер марапатталып, концерттік бағдарлама көрсетіледі.

Еркеназ ҚАЛИЖАН
Суреттерді түсірген Ерлан АЛТЫБАЕВ