Отбасы банк «мемлекеттен 116 680 теңге берілуі» туралы ақпаратты жоққа шығарды

Желіде алаяқтар «10 жылдан астам еңбек өтілі бар ҚР әр азаматы Отбасы Банкінің қолданыстағы шоттарына еңбек шегерімін ала алады» деп жалған ақпарат таратқан.

«Алаяқтар сілтеме арқылы өтіп, WhatsApp-қа «сәлем» сөзін жіберуді сұрайды екен. Сіздің қауіпсіздігіңіз үшін, күдікті сілтемелер бойынша өтпеуіңізді, жеке деректеріңізді бөліспеуіңізді және тек Банктің ресми ақпарат көздеріне сенуіңізді сұраймыз», — деп хабарлады Отбасы банк.