Мереке күндері қандай шаралар өтеді?
Атырауда 7 мамыр – Отан қорғаушылар күні және 9 мамыр – Жеңіс күніне орай көптеген іс-шаралар жоспарланған. Олай болса, Атырауда мереке күндері қайда, қандай шара өтеді?
5 мамыр
10:00 — «Отан үшін от кешкендер» тақырыбындағы салтанатты жиын, сазды бағдарлама. Өтетін орны: Ақсай ауылдық округіндегі әкімдік ғимараты.
10:00 — «Өшпес ерлік – ұрпаққа мұра» атты салтанатты бағдарлама. Өтетін орны: Атырау ауылдық округі, «Мәңгілік алау» ескерткішінің алды.
10:00 — «Мәңгілік өшпес отты жылдар» әдеби сазды бағдарлама. Өтетін жері: Геолог ауылдық округі, Б. Нысанбаев атындағы орта мектеп.
17:00 — «Алмалы. KZ» V халықаралық балалар өнер фестивалінің салтанатты жабылуы — гала-концерт. Өтетін орны: «Тұрғындар қалашығы» ықшам ауданы, Ретро-саябақ.
6-9 мамыр
10:00 — Б. Момышұлын еске алуға арналған волейболдан жасөспірім ұлдар мен қыздар арасындағы қалалық ашық турнир. «Мұнайшы» спорт кешені.
7 мамыр
11:00 — «Соғып тұр мерген қыздың жүрегі әлі» тақырыбындағы салтанатты жиын. Өтетін жері: Балықшы ауылдық округі, М. Отаралиев атындағы орта мектеп.
11:00 — Отан қорғаушылар күніне орай ҚР Қарулы Күштері Бас қолбасшылығының қатысуымен өтетін жауынгерлік парадтың тікелей көрсетілімі облыстық әкімдіктің алдындағы сұлтан Бейбарыс алаңында болады.
19:00 — Отан қорғаушылар күніне арналған «Мен қазақтың сарбазымын» атты патриоттық ән кеші. Өтетін жері: Атырау қалалық мәдениет және демалыс саябағы (Ретро-саябақ).
7-8 мамыр
9:00-13:00 — «Сарайшық» коммуналдық базарында жергілікті тауар өндірушілердің жәрмеңкесі болады.
10:00 — Халық қаһарманы Хиуаз Доспанованы еске алуға арналған шахматтан қалалық турнир. Өтетін орны: №1 балалар және жасөспірімдер спорт мектебі.
8 мамыр
9:00 — Кеңес Одағының батыры Қайырғали Смағұловтың зиратына гүл шоқтарын қою рәсімі. Қайыршақты ауылдық округі, Томарлы ауылы.
9:00-11:00 — Ұлы Отан соғысына қатысқандарға және 1921 жылы Гурьев қаласында Кеңес үкіметінің орнатылуы жолында күресіп қаза тапқандарға арналған ескерткішке гүл қою рәсімі. Құрманғазы көшесі, Христиан халықтары жерленген зират.
10:00 — Ә. Молдағұлованы еске алуға арналған нысана көздеуден қыздар арасындағы қалалық турнир. Өтетін орны: №2 орта мектеп.
10:00 — «Қызыл Жұлдыз» орденінің иегері, Ұлы Отан соғысы және еңбек ардагері Жақсығали Есембаев атындағы көшенің салтанатты ашылу рәсімі. Алмагүл шағын ауданы, №3 көше.
10:00 — «Еңсесі биік – Ұлы Жеңіс» атты мерекелік шара. Өтетін орны: Дамбы ауылдық округі, Амангелді ауылы.
10:00 — «Ерліктен елдікке аялдамасы» акциясы. (Бессмертный полк) Жеңіс саябағы.
10:00 — «Соғып тұр мерген қыздың жүрегі әлі» атты салтанатты жиын. Балықшы ауылдық округі, М. Отаралиев атындағы орта мектеп.
10:00 — «Ұлы Жеңіс жасасын» мерекелік сазды кеш. Кеңөзек ауылдық клубы.
18:00 — «Елдік пен ерлік – ата-баба аманаты» атты мәдени-көпшілік, бұқаралық шара. Өтетін орны: Еркінқала ауылдық округі, Жеңіс алаңы.
9 мамыр
10:00 — «Мәңгілік өшпесін жеңіс күні» атты мерекелік сазды бағдарлама. Жұмыскер ауылдық округі, Жұмыскер мәдениет үйі.
10:00 -«Мәңгі өшпес-рухы биік ерлерім» гүл шоқтарын қою рәсімі, мәдени-сазды бағдарлама. Өтетін орны: Қайыршақты ауылдық округі, Томарлы ауылы.
10:00 — «Ерлікке тағзым!» Ұлы Отан соғысында қаза тапқан жерлес жауынгерлерге арналған мәңгілік алауға гүл шоқтарын қою рәсімі. Өтетін орны: Жеңіс саябағы, «Мәңгілік алау» монументі.
20:00-22:00 — «Жеңіс Туы желбірейді мәңгілік!» атты мерекелік кешкілік концерттік бағдарлама. Өтетін орны: Бейбарыс алаңы (облыстық әкімдік алды).
23:00 — Мерекелік отшашу.
Хорлан Смадияр
