Махамбеттегі жас түлектің қазасына кім кінәлі?

Махамбет ауданы, Сарытоғай ауылында биыл ғана мектеп бітірген жас түлек қаза тапты. Оның қазасына жастар арасындағы әлімжеттік, келіспеушілік себеп болуы мүмкін.

Ауыл тұрғындарының айтуынша, қаза тапқан түлек мектепте белсенді оқушы болған. Оқиға орнында екі жақтың да жақтастары болған деседі. Облыстық полиция департаментінің мәліметінше, жасөспірімнің өліміне қатысты қылмыстық іс тіркеліп, 2005 жылы туған күдіктіге қатысты сотқа дейінгі тергеу амалдары жүргізілуде.  Сот-медициналық сараптамасы тағайындалды. Өзге ақпарат тергеу мүддесіне сәйкес жариялауға жатпайды.

Алмас ҚАБДОЛОВ