Махамбет театры 88-маусымын ашты
Ашық аспан астында өткен «Open Air» гала-концерті көрерменге көтеріңкі көңіл-күй сыйлады. Кештің басты ерекшелігі – жастардың жанды дауыста орындаған әуезді әндері болды. Сахна төрінде скрипка, гитара, барабан секілді музыкалық аспаптардың сүйемелдеуімен қазіргі заманда жастар арасында кеңінен танымал әндер орындалды. Сонымен қатар театр жастары поэзия оқып, кештің рухани мазмұнын байытты.
Шара барысында жаңа маусым қойылымдарына билеттерді ұтып алу мүмкіндігі де қарастырылды. Жүргізушілер қойған сұрақтарға дұрыс жауап берген көрермендер сахнаға шақырылып, Жүргізушілер қойған сұрақтарға дұрыс жауап берген көрермендер сахнаға шақырылып, театрдың алдағы спектакльдеріне арналған билеттерге ие болды.
Театр ұжымы бұл кешті тек маусым ашылу мерекесі ғана емес, сонымен қатар жастардың өнерге қызығушылығын арттыруға бағытталған мәдени қадам ретінде ұйымдастырды.
Тоғжан ЕРМЕК
Суреттерді түсірген Әнуар ӘБІЛҒАЗИЕВ
