Атырау облысының Мақат ауданында учаскелік полицей қызметтік көлікпен 2 адамды қағып кетті. Оқиға 22 қазан күні, сағат 00:30 шамасында орын алған.
Облыстық ішкі істер департаменті баспасөз қызметінің хабарлауынша, жол-көлік оқиғасы Мақат поселкесінде болған. Аудандық ішкі істер бөлімінің қызметкері жұмыстан шығып, үйіне бара жатқанда жол бойынан екі ер азаматты қаққан. Зардап шеккендердің бірінің жасы 31-де, ал екіншісі 30 жастағы жігіттер.
Бүгінде олар Мақат аудандық ауруханасына жатқызылған. Денсаулықтары бірқалыпты.
Қазіргі таңда учаскелік полицейге қатысты Қылмыстық Кодекстің 345-інші бабы бойынша іс қозғалған. Тергеу амалдары жалғасуда.
Айдос Қарабала
