Күрес түрлерінен ел чемпионатында атыраулық спортшылар 1 алтын, 1 күміс және 3 қола медаль иеленді.
1-10 наурыз күндері Шымкент қаласында жасөспірімдер мен жастар арасында күрес түрлері бойынша Қазақстан Республикасының чемпионаты өтті. Еркін күрестен жасөспірімдер арасында 68 келіде Ербол Маратұлы жарыс жеңімпазы атанса, 41 келіде Мади Мұханбетов қола жүлеге ие болды.
Ал жастар арасында 97 келі салмақта Бекзат Аманғали күміс, 57 келіде Бекзат Нұрдәулетов қола медаль еншіледі. Грек-рим күресінен жасөспірімдер арасында жалғыз қола медальді 85 келі салмақта Ғарифолла Нұролла жеңіп алды.
Амандық САҒЫНТАЙҰЛЫ
