Үкімет қаулысымен 2018 жылғы демалыс күндері ауыстырылды
Қазақстан Үкіметінің Қаулысымен Еңбек кодексіне сәйкес және жұмыс уақытын ұтымды пайдалану мақсатында 2018 жылғы сенбі күніне сәйкес келетін демалыс күндері ауыстырылды,-деп хабарлайды 7kun.kz.
Қазақстандықтар 2018 жылдың 3 наурызында жұмыс істеп, сол күннің орнына 9 наурызда демалысқа шығады. Сондай-ақ 28 сәуір, яғни сенбі күні жұмыс істеп, оның орнына 30 сәуір, дүйсенбі күні демалады.
Орындары ауыстырылған демалыс күндерінің тізімі:
3 наурыздан 9 наурыз жұмаға;
28 сәуірден 30 сәуір дүйсенбіге;
5 мамырдан 8 мамыр сейсенбіге;
25 тамыздан 31 тамыз жұмаға;
29 желтоқсаннан 31 желтоқсан дүйсенбіге көшірілді.
Қазақстан республикасының Еңбек кодексінің 85-інші бабының 3-інші тармағына сәйкес, мереке күндері кезінде жұмыс уақытын тиімді пайдалану мақсатында Үкімет демалыс күндерін басқа жұмыс күндеріне ауыстыруға құқылы.
Айқара Ғұмар
