Кеңөзек, Дамбы, Атырау, Ақсай, Балықшы ауылдық округтерінде спорт залдары салынады

Atr. kz / 13 – ақпан.  Биыл Кеңөзек, Дамбы, Атырау, Ақсай, Балықшы ауылдық округтерінде алты спорт залы бой көтереді.

 «Қазіргі таңда қала ішінде үш спорттық залдың құрылысы жүруде. Бұқаралық спортты дамыту мақсатында бүгінгі күні  10 спорттық нысанның  жобасы жасақталуда» деді Атырау қаласының әкімі Алимұхаммед Құттұмұратұлы халық алдында есеп беру кезінде.

Атырау қаласы әкімдігінің мәліметінше, облыс орталығында 96 мың адам жүйелі түрде спортпен айналысады. Өткен жылы қала бойынша үш мыңнан астам спортшылардың қатысуымен  спорттық бұқаралық бағыттағы жүзге жуық жарыстар ұйымдастырылған.

Айбөпе САБЫРОВА