Жарнама
Жаңалықтар

Индерде футбол және ангар типті күрес кешені салынады

Индер ауданы Индербор кентінде 136 адамға арналған спорт кешенінің құрылысын сәуір айында бастау жоспарлануда.

Өңірлік коммуникациялар қызметінің хабарлауынша, нысанда футбол және күрес залы, ерлер мен әйелдерге арналған гардероб, мүмкіндігі шектеулі азаматтарға арналған жуыну бөлмесі, дәрігер мен жаттықтырушыларға арналған кабинет қарастырылған.

–Ауданнан футбол және ангар типті күрес залының құрылысын салуға мердігер «АймарСтройСервис” ЖШС жеңімпаз деп танылып, келісімшарт жасақталды. Техникалық қадағалаушы – “Building Control” ЖШС. Құрылыс жұмыстары 10 айға созылады деп жоспарланып отыр, — деді Индер аудандық құрылыс бөлімінің бас маманы Мирас Ибраев.

Айта кетейік, осы жылы Индер ауданының Бөдене және Елтай ауылдарында да спорт кешенінің құрылысын бастау көзделіп отыр. Қазіргі таңда аталған нысандарға ЖСҚ жасақталып, мердігер мекеме анықталған.

Related Articles

Добавить комментарий

Ваш адрес email не будет опубликован. Обязательные поля помечены *

Back to top button