Геолог селолық округінде жаңа балабақша ашылды (ФОТО)

Геолог селолық округінің Бірлік ауылында «Балақай» атты №35 бөбекжай пайдалануға берілді. Ол — 12 топқа жіктелген 280 баланы қамтиды.

Мұнда мектепке дейінгі оқу-тәрбие ісімен қоса, саз үйірмесі, дене шынықтыру залдары мен медициналық блоктар да қарастырылған. Балаларға арналған жиһаздар, заманауи ойын құралдары олардың ой-өрісін дамытуға өте қолайлы.

Мұнда жұмысқа қабылдануы тиіс жүзге жуық қызметкердің 28-і Атырау қалалық әлеуметтік бағдарламалар және жұмыспен қамту бөлімінің жолдамасы арқылы алынған.

 Амандық АБДОЛ