Атыраулық паратаеквондошы Нұрлан Домбаев — Әлем чемпионы

Атыраулық паратаеквондошы Нұрлан Домбаев екінші мәрте Әлем чемпионы атанды. 1-6 ақпан аралығында Түркияның Анталья қаласында паратаэквандодан Әлем чемпионаты өтіп, дүние жүзінің 98 елінен жиналған 1500-ге жуық спортшы  бас қосқан байрақты бәсекеде бағын сынаған саңлағымыз барлық қарсыластарына дес бермей жеңіс тұғырының биік сатысына көтерілді.

75 келі салмақта өнер көрсеткен жерлесіміз бұған дейін 2017 жылы Ұлыбританияда өткен әлем біріншілігінде топ жарған болатын. Бұл жолғы жарыс жолында ол алдымен украиналық спортшыны тізе бүктірсе, ақтық сында жарыс қожайыны, түрік жігітінен басым болды.

Мұратбек ЖАҢАБАЙ