Бекасыл Айғараев – «IMPACT Olympiad» жүлдегері

Жуырда «Республикалық физика-математика мектебі» КЕАҚ Қазақстан Республикасының Оқу-ағарту министрлігінің қолдауымен математика, физика және информатика пәні мұғалімдері мен олимпиадалық резерві жаттықтырушыларының «IMPACT Olympiad» VII Халықаралық ашық шығармашылық байқауы өтті. Қазақстан және шет елдер мектептерінің мұғалімдері мен жаттықтырушылары бақ сынасқан тартысты додаға Атыраудағы NIS-тің математика пәні мұғалімі Бекасыл Айғараев қатысып, жүлделі ІІ орынды жеңіп алды.

Аталған мектептің баспасөз қызметінің хабарлауынша, кәсіби құзыреттерді оңтайлы меңгеруді көрсететін талантты, шығармашылықпен жұмыс істейтін мұғалімдер мен жаттықтырушыларды анықтау, оларды қолдау және көтермелеуді мақсат еткен жарыс онлайн және офлайн форматта ұйымдастырылған. Күміс алқаны қанжығасына байлаған Бекасыл Айғараевтың бұл жүлдесі көпке үлгі болды.

Бек АЙДАРӘЛИ